Góðir hlutir...

Til að skjalfesta nokkra hluti strax, þá vil ég merkja það að Kolbeinn Bói er kominn með fimmtu tönnina (ekki alveg komin niður) og  það vinstra megin við framtennur og ég held barasta að hin, sú hægra megin, fari að troða sér niður. Af öðrum tannamálum, þá hefur eldra eintakið beðið eftir að eitthvað úr barnastellinu fari að losna og svo í fyrrakvöld við tannburstun sá ég glitta ég smá fullorðins-brodd á bak við eina pínku lausa í neðri góm. Enginn hafði tekið eftir þessu og jii hvað við urðum spennt yfir þessu! Nú, Kolbeinn Bói stækkar, þroskast og dafnar sem aldrei fyrr og þetta ánægða barn kemur mér sífellt á óvart. Hann skilur svo mikið allt í einu og er farinn að segja nei við því sem hann vill ekki og svo já (kinka kolli) við því sem hann vill. Borða ofboðslega vel, sefur frábærlega og já, er bara veldig fornøyd. Notar mamma svona annars slagið og svo einhver önnur afbökuð orð en það kemur svo sannarlega ekki í veg fyrir að drengurinn spjalli daginn út og inn! Svo elskar hann tónlist og það liggur við að það megi ekki humma eða tala of hratt, ogcþá er drengurinn farinn að dilla sér. Þeir bræður hafa mikið dálæti á hvorum öðrum sem er svo dýrmætt og hlýtt, ekkert vesen með þessa gaura :)

Vorið er svo sannarlega komið, rigndi í fyrsta skipti í fjöldamargar vikur á sunnudaginn og ó hvað það var bara notalegt enda áttum við fjölskyldan inni-afslöppunardag á meðan vindur og regn slógust hér fyrir utan. Hitastigið hefur líka stigið jafnt og þétt, ekkert að þjóta upp en munur frá mínugráðunum sem hafa herjað-og menn ekki munað annað eins. Milt og fallegt veður engu að síður, en kalt og rakt. Erum tilbúin í vorið og svo sumarið allavega :)

Eftir að ég skrifaði síðustu færsluna, að ég held einungis 3 dögum síðar, fengum við tilkynningu þess efnis að Kolbeinn Bói hefði komist inn á Smeaheia leikskóla. Léttirinn og ánægjan á einu heimili en nú verða þeir bræður hlið við hlið og mun nær heimilinu en hinn leikskólinn.

Mamman fékk tilboð um næturvakta-afleysingastöðu sem hún bara hreinlega gat ekki neitað. Vinn því 53%, 3 vaktir í röð og svo frí í 7-8 daga. Afar fínt og þá sérstaklega að geta verið heima síðar með strákunum á daginn ef eitthvað kemur upp á og aldrei farin að vinna fyrr en þeir eru löngu sofnaðir. Tekur reyndar örlítið á núna þegar Kolbeinn er ekki byrjaður á leikskóla, en þá kem ég heim og leysi ég Bjarka af sem fer í vinnu og svo bara held ég mér vakandi þar til hann kemur úr vinnu og svo koll af kolli. Þetta verður allt annað þegar leikskólinn byrjar svo maður bara þraukar...

Annars gengur lífið sinn vanagang ef hægt er að segja svo, erum að fara að prófa íslenska barnapíu bráðlega og fáum þá kannski að skreppa út hjónin af og til. Sumarið er handan hornsins og útilegur, útlandaferðir, strandferðir, garð-busl, heimsóknir og annað skemmtilegt er á dagskránni. Komdu!

 EInn spenntur rétt áður en gestirnir komu

Allt á fullu í leik

Pakka/flöskustútsleikurinn

Hver einasta arða kláruð...

Fann þetta uppkast frá því í mars...hendi því inn á undan næstu færslu :)

Já tja, hvað er að frétta??!! Sitthvað skal ég ykkur segja en svo þegar maður sest loksins fyrir framan skjáinn og takkaborðið þá er eins og heilinn breytist í gufuskip og sigli bara burt!

En skal reyna, við Kolbeinn Bói erum enn bara heimavið og höfum það notalegt í daglegu hangsi og dúlleríi. Hann er náttúrulega svo mikil yndisblúnda, ferlega sáttur með lífið og tilveruna og voða glaður gaur. Borðar endalaust og dundar sér inn á milli. "Spjallar" um heima og geima og það sem ég myndi vilja gefa til að fá þýðingu á þessum innihaldsríku og oft kappsfullu samræðum hans. erum eld ég svolítið á því að hann sé meiri tætir en Hrafnkell var en kannski bara misminnir okkur ;) Í enda ágúst ca. byrjar hann á leikskóla, á þeim sama og Hrafnkell Númi byrjaði á fyrst og því ekki okkar 1.-3. val eða hérna í okkar hverfi. Erum ánægð að hann sé kominn með pláss en værum svo innilega til í að honum yrði ekki hrúgað með restinni af börnum sem eru ekki með norsku sem móðurmál á sama stað...ekki meir um það en erum voðalega ánægð með leikskólann hans Hrafnkels Núma og hann sömuleiðis. Alltaf eitthvað skemmtilegt í gangi eins og uppsetningin um daginn sem þau hafa verið að æfa síðan eftir áramót. Á ekki nógu mörg falleg né sterk orð til að lýsa þeirri upplifun okkar en já ferlega skemmtilegt allt. Honum gengur bara vel og ég heyrði hann tala smá á norsku við sjálfan sig í morgun. Hann æfir fótboltann enn og finnst voða gaman þó það þurfi stundum að minna hann á að þetta sé fótbolti, það sé leikur í gangi en ekki dansæfing ;)

Í haust byrjar hann í skólanum sem er svo óraunverulegt en gerist víst, þ.e. þau stækka og geta ekkert endalaust verið í leikskóla. En já, þeir bræður verða í góðum málum í haust og mamman heima á daginn eins og góðri húsmóður sæmir (djók). Nei nei, ég fékk tilboð um aðra stöðu sem felur í sér einungis næturvaktir sem verður fínt-3 nætur og svo um vika í frí og svo koll af kolli. Prófa þetta en þetta er svona já þar sem heilsubakgrunnur minn kemur inn og fínt að spreyta sig á nýjum hlutum. Fínt að vera heima þegar veikindi og svoleiðis ber að garði...

Svo erum við í sumarpælingum, spæla hvert við eigum að fara í stutt frí og endum sennilega á London. Útilegurnar verða vonandi margar og svo erum við náttúrulega að fara til Sunnu og Haffa sem búa í hokksund sem  er rétt við Drammen. Ætlum að keyra á miðvikudaginn næsta í einnu bunu og kíkja svo kannski á Osló á laugardeginum. Verður ferlega skemmtilegt án efa!

Og svo eru bara jólin búin, við búin að fara til Íslands og komin aftur til Noregs. Þessi færsla verður án efa stefnulaus á kafla en það er allt í lagi. Hugsaði hana einna helst til að uppfæra og setja inn upplýsingar um grísina tvo.

Haustið já, kom og leið með öllum sínum fallegum litum og veðrabreytingum. Einhvers staðar er ég með það skráð en Kolbeinn Bói tók sín fyrstu skref ca. í enda nóv og þá meira svona á hlið. EN hann var fljótur að ná þessu og farinn að labba bara þegar við fórum til Íslands. Núna er ég akkúrat að horfa á krúttrassinn hlaupa létt um stofuna þannig að þetta gerist hratt og örugglega hjá mínum. Tennurnar komu seint og einnig er ég með það skráð hvenær sú fyrsta kom en svo komu þær hver á fætur annarri og er hann núna með 4 tennur, 2 uppi og 2 niðri. Mikið sem barnið breytist í framan við þetta nýja stell!

Annars er hann ljúflingur inn að beini. Elskar að borða. Allt. Verður pirraður þegar hann er svangur og þreyttur, eins og gengur og gerist en er þess á milli bara ljúfur og brosir mikið. Hamingjusamur út í gegn en varð pínku mannafæla þegar við fórum til Íslands. Kannski ekki skrýtið en hann verður nú að venjast fólki í kringum sig. Ekkert að frétta af leikskólamálum og ég er í rauninni ekkert að gera mér neinar vonir pláss á næstunni. Ég er farin að vinna þriðju hverju helgi og ég bara tek aukavaktir þangað til barnið kemst í dagpláss ;)

Hrafnkell Númi byrjaði á Smeaheia leikskóla í byrjun desember. Við vorum ekki viss um að breyting væri góð eða rétt því hann hefur jú farið í gegnum ýmsar breytingar á árinu en svo ákváðum við að slá til. Margar ástæður og meðal annars vegna þess að hann fer í Smeaheia skóla næsta vetur sem er á sömu lóð og þessi leikskóli. Svo er þetta miklu miklu nær heimilinu en hinn var langt í burtu. Fullt gott sem var á hinum og við kvöddum með söknuði en erum ofsalega ánægð með þennan leikskóla og það var tekið alveg frábærlega vel á móti okkur. Hann er alsæll, fór með nýjan hitabrúsa í dag því þau fara alltaf í ferðir og þá er sport að fá að taka heitt kakó með sér. Hann er svo duglegur og svo góður við brósa sinn. Nú sofa þeir saman í herbergi og vakna saman á morgnana og spjalla í dágóða stund á meðan mamman fær að snúsa smá. Ekkert nema krúttlegt að hlusta á þá. Kolbeinn er nú ekki farinn að segja nein orð en segir oft og mikið nei nei nei. Algjört rassgat!

Kolbeinn Bói var formlega skírður á Íslandi í faðmi góðra vina og fjölskyldu. Það var voða gaman að ná svona mörgum saman því keyrslan á Íslandi í svona "frí"ferðlagi er mikil og maður nær ekki að hitta alla. Þess utan vorum við að ganga frá íbúðinni á Dunhaga, ganga frá geymslu, selja og þess háttar skemmtilegheit. Sjæse!

Hversdagsleikinn er tekinn við og rútínan sem er fín. Hittum vini um helgina og svo förum við í hyttu þar næstu helgi sem verður eitthvað því hún er svakalega fín og á frábærum stað. Er s.s. kölluð Útsýnið og ekki að ástæðulausu. Hlökkum til :)

Bíllinn er okkar himnasending-well ekkert endilega send að ofan en við elskum að eiga bíl og lífið varð bara auðveldara. Það er bara þannig.

Man ekki meira í bili-kemur ábyggilega og þá bara hendi ég því inn.

Knús frá Lupinveien :*

Síðasta færsla var í júlí og það er nú aldeilis margt búið að gerast síðan þá. Ég ætla nú ekki að telja allt upp hér en má samt nefna heimsókn ömmu Láru og afa Svenna ásamt Höllu frænku í ágúst, en þau voru hjá okkur í nokkra daga sem var alger unaður. Ýmislegt brallað og afi Svenni fór vonandi vel hvíldur aftur úr landi! Við fórum í smá hyttetur og svo fórum við Bjarki með Hrafnkel Núma í Kongeparken sem er svona skemmtigarður hérna rétt hjá. Það var svoooo gaman hjá okkur og svo gaman að sjá hann upplifa þetta, ótrúlega hugrakkur og frábær. Við hlógum svo mikið og þetta var svo frábært. Förum þangað aftur næsta sumar eða eitthvað, HN óður að sýna KB öll tækin. HN óð tæki úr tæki og okkur mæðginum var einu sinni vísað frá en þá var hann ekki búinn að ná ákv. hæð (sem hann reyndar er búinn en stelpan var ekki á því). Hann þorði og vildi prófa allt og ég bara fylgdi.   Æðislegt!

Finnst ferlegt að gleyma að punkta niður þessa litlu áfanga hans Kolbeins Bóa, en í byrjun ágúst þá byrjaði hann að vera með nokkurs konar skriðtilburði en samt ekki skrið. Hann dró sig áfram á olnbogunum og svo stoppaði hann annars slagið og skellti sér upp á aðra hlið líkt og hann væri að fara að breika. Svo þegar amma og afi komu, þá var hann farinn að fara upp á hnén og rugga sér en samt ekki alveg 100% skrið ennþá. EN núna og fyrir dálitlu síðan er hann sko farinn að skríða og það örugglega. Svo byrjaði hann fyrir kannski viku eða jafnvel aðeins meira, að standa upp en er enn pínku óöruggur með það og þarf að hafa eitthvað til að ríghalda sér í eins og rimla. Í gær fór hann svo upp að sófanum þar sem stóri bróðir sat og stóð upp og sýndi einbeittan vilja til að komast upp í til hans! Honum þykir svo mikið til stóra bróður koma og verður eitt bros þegar hann sér hann eða heyrir í honum. Hrafnkell Númi er þá iðulega settur í að "passa" eða tala við Kolbein Bóa ef mamman þarf að gera eitthvað t.d. hérna í eldhúsinu. Mjög þæginlegt við þetta hús er að þetta er eilítið eins og gömlu járnbrautarhúsin í NY í den, svona langt og allt á sama stað þannig að við erum öll mest alltaf saman hérna á neðri hæðinni. Sé samt fram á að við þurfum að útvega okkur öryggishliði á stigann...og það mjög fljótlega! 

Fleira af KB, hann er ekki komin með tönn en mikil ósköp sem gómurinn angrar. Þá er frosin melóna í fæðuneti alveg það besta! Þeir bræður hafa verið mikið kvefaðir og grunar okkur eyrnabólgu hjá KB og jafnvel hjá HN. Leiðindatal en skrásetingin kannski hjálpar mér síðar ;) Þurfum að bíða svo lengi eftir tíma hjá lækni sem svo lætur okkur fá beiðni hjá HN lækni (vonandi). EN svona er þetta og þeir eru annars hressir og skemmtilegir :) KB er ekki alveg farinn að geta setið einn og óstuddur en hann nær svona að ýta sér smá upp þegar hann er á gólfinu að skríða og svo nær hann stundum að sitja smá en lekur svo niður. Svo fer hann í 9 mánaða skoðun í okt og þá koma án efa glæsilegar tölur. Já meðan ég man að skrifa það niður, ekki að það gleymist en barnið elskar mat og þá eiginlega allan mat. Avacadó og banani eru töfrablanda, sætar kartöflur, kjúklingur, lax og svo má lengi telja. Nú vinnur mamman í því að bæta við mataræðið og gera það fjölbreyttara. Engin mjólk og ætlum við að sleppa henni eins og við hin á heimilinu höfum nú gert (fyrir utan smá ost stundum).

Við höfum verið (mis)dugleg að taka myndir en ég nota daginn í dag til að setja myndir hingað inn. Maður þarf ekki að vera myndasjení til að taka góðar myndir af þessum drengjum, þeir sjáum það sjálfir að myndefnið sé eðall enda gæðagenin hér á ferð! Njótið :)

Býflugutækið sem við fórum í

Æ greyið vildi endilega prófa elsta tækið í garðinum. Við emjuðum úr hlátri, hann var einn í öllu tækinu sem hreyfðist 0! Endalaust fyndið fyrir okkur sem horfðum á.

Ætlum þangað næst að búa til súkkulaði!

Við mæðginin fórum nokkrar ferðir í þessum

...svo koma fleiri, ætla að tæma vélina

Fyrsta norska "útilegan"

Ákváðum að leita á netinu og reyna að komast í burtu yfir helgina í bústað/hyttu. Bjarki er ekki í sumarfríi og þar sem við erum með bíl að láni þá var alveg tilvalið að tjékka aðeins á nærumhverfinu. Þar sem Norðmenn eru allir í fyrirhyggjunni þá var ekki mikið laust nema í Grindafjord ferisenter sem við og tókum. Næst minnsta hyttan með engu wc en vaski. Pottþétt! Við bjuggumst ekki við neinu og svo bara sátt við komuna, allt hreint þó kofinn sjálfur sé eldri en við öll til samans. Spartan smá en sætt líka. En öllu haldið við og á ágætis svæði. Þarna eru líka endalaust mörg hjólhýsi sem búið er að byggja við og palla og annað í kring. Allir voða sáttir með sitt og eftir að hafa verið þarna smá stund, þá einmitt föttuðum við galdurinn og muninn smá á okkur og Norðmönnum...þeir einmitt margir hverjir láta sér nægja þetta litla pláss sem hjólhýsið er og gera bara gott úr því en eru ekkert að byggja 200 fermetra sumarhallir eins og...sumir ;) Svo bara kemur fólk þarna yfir sumarið og hefur það notalegt. En eins og við gerðum er líka hægt að leigja svona kofa í mismunandi stærðum, koma með tjaldið sitt eða renna í gegn á húsbílnum. Sér svæði fyrir allt og góð aðstaða fyrir alla.

Þarna var svona saltvatnslaug, trampólín og önnur leiktæki og svo er þetta í skógi og við fjörð. Lítil krá og veitingastaður, sjoppa og annað tilheyrandi. Ekki of stórt eða of mikið af fólki. Fallegt bara og fannst okkur þetta voðalega sniðug hugmynd hjá okkur að láta vaða. Á laugardeginum fórum við eldsnemma í Haugasund-síldarhöfuðstað Norðmanna hérna í den (held ég) og já gengum þar um og pældum í öllu.

Í gær á heimleiðinni stoppuðum við í Klösteröy sem er hérna rétt fyrir ofan Stavanger, og borðuðum nesti í blíðunni. Mjög fallegt þarna. Annars finnst okkur ótrúlega fallegt hérna, landslagið svo víðbreytt og mismunandi (sko bjó til nýtt orð og þú fattaðir það ekki). Gott að geta kannað það sem liggur fyrir utan Sandnesið okkar aðeins og svo lætur maður sig dreyma í leiðinni. Aðallega um bíl þessa stundina hoho.

Læt fylgja nokkrar myndir, þær segja miklu betur frá en nokkurn tíma ég.

Lítið en virkar

 Saltvatnsútilaugin

Trampó fyrir unga sem aldna

Róló og minigolf-basic

Þjónustuhúsið (krá og matur og fl.)

HN vildi eina af sér í efri koju sem var sport

Næstum hægt að teygja sig í 300 ára gamla ísskápinn úr rúminu

Norðmenn ekki hræddir við að flagga mikið (Haugesund)

Gamla sláturhúsið. Þarna var ábyggilega drepið.

 Vel litlaýkt mynd af Kolbeinssíld

Þetta andlit

 Útsýni við Utstein klaustrið í Kløsterøy

 Klaustrið/kirkjan

Opið hús

Hrafnkeli Núma gengur vel á leikskólanum. Við fórum í smá viðtal þar í gær og þar var að sjálfsögðu bara talað á norsku. Mamman skildi allt en fannst ferlega erfitt að geta ekki tjáð sig betur á norskunni. Þrjóskan skal hjálpa mér að ná henni! En já, honum líður greinilega vel í félagsskap barna á ný. Sú sem er yfir deildinni sagði hann bara flottan strák sem er glaður og færi vel eftir fyrirmælum. Hann flakkar á milli krakkanna og er ekki tilbaka. Mjög gott að heyra þar sem hann er ansi félagslyndur þessi elska og síðustu mánuðir hafa verið honum á stundum pínku strembnir.
Við erum ánægð með fyrstu kynni okkar af leikskólanum, mjög líkt með þeim og íslensku en samt sér maður hvað við höfum það gott á Íslandi eða hvað? Kannski er of mikið lagt upp úr því að hafa allt það flottasta og allt spikk and span á meðan starfið líður fyrir það? Segi svona, en þetta er svo sannarlega leikskóli margbreytileikans og koma til að mynda börnin beint og óbeint, alls staðar frá í heiminum. Bara skemmtilegt. Þetta er góð 25 mínútna ganga aðra leiðina á morgnana sem er fínt en við erum samt á biðlista á leikskóla hérna nær. Sjáum til með það.

Kolbeinn Bói dafnar svo sannarlega vel. Er bara næstum alltaf voða glaður og ljúfur en lætur mann vita ef hann er svangur eða þreyttur. Draumabarn! Mikið sem þetta breytist og manni finnst lífið soldið annað þegar unginn er svona glaðari :) Hann er farinn að fá að borða og þessi gaur ELSKAR að borða! Allt annað en bróðir hans, en Kolbeinn Bói er matargat sem skemmtilegt er að gefa að borða-enn sem komið er hohohoho.
Hann sefur reyndar skringilega og hefur stytt svefninn mikið og sefur núna sjaldan lengur í 2 tíma í senn. EN við sjáum til, kannski er þetta og bara sennilega, eitthvað tímabil.

Annars höfum við það fínt-skrýtið að vera ein heima með litla kút á daginn en viðurkenni að það er alveg ljúft að fá að upplifa svona "alvöru" fæðingarorlof. Við fáum svo bíl lánaðan í næstu viku í heilan mánuð og ætlum aðeins að skoða þá nær-umhverfið. Hlakka til! Bjarki ferðast mikið á daginn vegna vinnunnar og hefur fengið að sjá mikið á síðustu vikum, þannig að það verður frábært að fá tilfinninguna meira fyrir fylkinu en ég hef núna.
Myndirnar að neðan voru teknar allar hjá skóla sem heitir Soma skole en þetta er gamall skóli sem nú hefur verið sameinaður Stangeland skóla sem er töluvert langt frá. Það er alveg inn í myndinni að HN fái tilboð í þennan skóla, sennilega jafn miklir möguleikar og að hann fái tilboð í Smeaheia skóla eða Stangeland skólahlutann. Þessi er krúttlegur, eldgamall og búið að bæta við hann en samt er hann pínku og stendur á svo fínu landstæði, skógur og ójafnt leikpláss. Þess má geta að rétt hjá þarna er Soma gard sem er svona lítill (reyndar huge) húsdýra/leikgarður. Man ekki hvort ég skrifaði um heimsókn okkar þangað.


Þetta er í ca. 10 mín göngufjarlægð frá okkur.

Einn sáttur með sitt og nauðsynlegt að hafa þjónustubjöllu sér við hlið...

p.s. væri mjög til í að sjá e-r comment-það á að vera hægt án þess að þurfa að skrá sig ;)